विगत एक महिनादेखि काठमाडाैं महानगरपालिकाले सडक वरिपरि र भवनका बेसमेन्टमा बनाइएका अवैध संरचना भत्काउने अभियान चलाएकाे छ । स्वतन्त्र उम्मेदवारी दिएर निर्वाचित भएका काठमाडाैँ महानरपालिकाका मेयर बालेन्द्र शाहले त्यसकाे नेतृत्व गरेका छन् । उनकाे अभियानकाे समर्थन र विराेध दुवै भएकाे छ ।

यसै सन्दर्भमा काठमाडाैँ महानगरपालिकाका प्रमुख शाहकाे निर्देशनमा अवैध रूपमा पार्किङ गरिएका माेटरसाइकललाई डाेजरले किचेकाे भनी दाबी गरिएकाे भिडियाे अहिले टिकटकमा सेयर भएकाे छ । ‘Luv Chan 62’ नामक टिकटक प्रयाेगकर्ताले भदाै १४ गते टिकटकमा सेयर गरेकाे भिडियाेमा लेखिएकाे छ, “अवैध पार्किङ बाइक ध्वस्त । गुड जब बालेन ।” उक्त ११ सेकेन्डकाे भिडियाेमा डाेजरले खुला स्थानमा लस्करै राखिएका बाइकहरूलाई किचेकाे देखिन्छ । उक्त भिडियाेमा असाेज ७ गतेसम्ममा ४४९६ लाइक, २२९ कमेन्ट गरिएकाे छ भने १७१ पटक सेयर गरिएकाे छ । 

हामीले स्वतन्त्र उम्मेदवारी दिएर महानगरकाे मेयरमा निर्वाचित भएका बालेन्द्र शहकाे निर्देशनमा भएकाे भन्दै डाेजरले माेटरसाइकल किचेकाे भिडियाेकाे तथ्य जाँच गरेका छाैँ । 

तथ्य जाँच

तथ्य जाँचका लागि हामीले सबैभन्दा पहिले गुगलमा “Dozer crushes motorbikes” भन्ने किवर्ड राखेर सर्च गर्‍यौं । भारतीय सञ्चारमाध्यम एनडीटीभीका अनुसार अमेरिकाकाे न्युयाेर्क सहरकाे प्रहरी विभागले झन्डै १०० वटा अवैध र खतरनाक माेटरसाइकल लगायतका सवारीसाधन डाेजरले किचेर नष्ट गरिएकाे थियाे। हामीले न्युयाेर्क सिटी मेयरकाे कार्यालयले आफ्नाे आधिकारिक फेसबुक पेजमा २०७९ साल असार ८ गते राखेकाे २४ सेकेन्डकाे भिडियाे भेट्याैँ । भाइरल भएकाे भिडियाे र न्युयाेर्कका मेयरको कार्यालयले राखेकाे भिडियाे हुबहु मिलेकाे छ । 

टिकटकमा सेयर गरिएकाे भिडियाे न्युयाेर्क सहरमा अवैध माेटरसाइकललाई डाेजरले किचेकाे दृश्य भएकाे नेपाल चेकले पत्ता लगाएकाे छ । काठमाडाैं महानगरले अवैध पार्किङ गरिएका माेटरसाइकललाई किचेर ध्वस्त गराएकाे भन्ने टिकटक प्रयाेगकर्ताकाे दाबी गलत हाे । 

दाबी	दाबीकर्ता	नेपाल चेक निष्कर्ष
काठमाडाैं महानगरपालिकाका मेयर बालेन्द्र शाहकाे निर्देशनमा अवैध रूपमा पार्किङ गरिएका माेटरसाइकलमाथि डाेजर चलाइएकाे ।	टिकटक प्रयोगकर्ता	गलत